Hello

I det siste har det ikkje skjedd så valdsamt mykje av betydning. Er ferdig med russetida no, og det var litt rart å tre inn i ei normal bukse igjen. For min del har ikkje russetida vore så valdsamt ekstrem. Moderate mengder alkohol og ein noko begrensa økonomi har hatt ein dempande effekt. 16. mai var kanskje noko av det beste med russetida, medan 17. mai var ein betre dag.

Byrja med russetoget på Bryne, deretter reiste eg til Sandnes og traff Patrick, Joakim, Rakel & kompani, såg på russetoget i Sandnes, deretter reiste eg med Patrick, Rakel, Amund, Ingvild og Sofia til Vaulen og grilla (der me etter litt blei akkompagnert av Christoffer, Årolilja og Ida), for så å forflytte oss til ein leikeplass og klatre og ete eplekake.

Elles har eg plutseleg fått mykje sår på fingrane mine. I det siste har eg fått kutt og sår heile tida, utan at eg har noko god forklaring på kvifor det plutseleg kjem så mange av dei no. Litt rart.

I dag skal eg sende xboxen min inn på operasjon, endeleg. Greit å få han avgårde, har venta nokre veker på det. Kjenner abstinensane etter GTA IV, Call of Duty 4, Forza 2 osb.

Elles lite å melde =)